اشاعة : حملة توقيع 1,000,000 مسلم لموافقة آدارة الفيسبوك لوضع شعار رمضان

في اعلان لاحدي الجروبات علي الفيس بوك

حملة توقيع 1,000,000 مسلم لموافقة آدارة الفيسبوك لوضع شعار رمضان

اتفقنا مع اداره الفيس بوك وجوجل على وضع شعار رمضان على الموقع طوال فتره شهر رمضان الكريم بشرط الحصول على 1.000.000 توقيع يا ريت متكنش سلبي وشارك معانا

اي واحد مسلم ولو حتي مش ملتزم نفسه الفيسبوك يكون بطعم رمضان وينزل عليه شعار رمضان خصوصا ان الاجانب هيتغاظوا لما يشوفوا المسلمين مسيطرين علي الفيس بوك ..... دا المسلمين غيروا الشعار ياعم الحج
طبعا بيقولك خطوات التوقيع تنزل لايك علي صف تحت حوالي 50 لايك

طبعا انته متعرفش انته بتعمل لايك علي ايه
عاوز تعرف ادخل صفحتك الشخصية وشوف انته عملت لايك لحوالي 50 جروب مش منهم فايدة
المهم ياسيدي 
هما عاوزين مليون توقيع بس ويغيروا الشعار

انته عارف الفيسبوك عليه حوالي 750 مليون عضو ..... منهم حوالي 7 ونص مليون عضو تحت سن 13 سنة 

يعني علي كدا اللي تحت 13 سنة ممكن يقلبولنا الفيسبوك سينما الاطفال اذا كان مليون هيخلوهم يغيروا الشعار

يا جماعة لقد وقع علينا الخبر كالصاعقة اني الاقي 50 الف مغفل عاملين لايك للجروب اللي هدفه الدعاية وبيع اعلانات

-- ملحوظة : رابط الصفحة أهـــو ، وابقي اعمل لايك وادخل علي صفحتك الشخصية وشوف الصفحات اللي انته عملت ليها لايك وانته هتعرف ان الموضوع ملوش علاقة بالاسلام ولكن بالفلوس فقط

رابط صفحة احصائيات الفيسبوك اهــــــو

حاجة ترفع الضغط بجد