اشاعة لغز الرقم 7

لغز رقم ( 7 )
***************
لغز يحير العالم (لايعلم حله إلا الله تعالى)،،،
هو بالتأكيد محيرش الا اللي اخترع الموضوع وانا عشان فضلت ادور وراه
السلام عليكم ورحمة الله وبركاته،،،

يقال ان الرقم سبعه يملك طاقة في حدا ذاته،،،
مين اللي قال كدا ؟؟؟......طيب سبعة سبعة سبعة
أبواب النار 7 وعجائب الدنيا 7
كلام سليم وعدد ابواب الجنة 8
رؤيا ملك مصر 7 بقرات و 7 سنابل
مظبوط
يؤمر الفتى بالصلاة عند سن السابعة
وَاضْرِبُوهُمْ عَلَيْهَا لِعَشْرِ سِنِينَ (المصدر : من موقع اسلام ويب)
الطواف حول الكعبة 7
صحيح
السعي بين الصفا والمروة 7
صحيح
عدد آيات الفاتحة 7
صحيح
عدد الجمرات 7

وهذا ليس عدد الجمرات في فترة الحج كاملة ولكن عدد مجموعة الجمرات عند كل مرحلة
(المصدر: http://islamweb.net/ahajj/hajjmap/index.htm )


عدد البحار 7
كلام غير سليم فعدد البحار التابعة للمحيط الاطلسي فقط حوالي 18 بحر
 (المصدر: http://alturl.com/gyodv )
المعادن الرئيسية في الأرض 7
فقط يمكن تقسيم نظم البلورات إلى سبعة نظم بلورية وذلك على أساس أطوال المحاور البلورية أ، ب، ج 
والزوايا البلورية الي سبع نظم بلورية
 بينما التصنيف الكيميائي للمعادن 8 اقسام
 ( المصدر: http://alturl.com/nku5h )

العلم يتوصل الى 7 أنواع أساسية من النجوم.

هناك اكثر من 7 انواع من النجوم ولكن تقسيم النجوم حسب نزول درجات حرارتها يقسمها لسبعة اصناف
 ( المصدر:من موقع تعليمي ) بينما هناك عدة طرق لتصنيف النجوم ( المصدر: http://alturl.com/jq8cp )
ويتوصل أيضا الى 7 مستويات مدارية للألكترون...... تلك ال7 مستويات حول النواة.
متأكدتش من وجود نظريات جديدة عن الاوربيتالات ولا لا لكن لاحظ انها نظرية بحته
وتوصل العلم ل7 ألوان للضؤ المرئي والى 7 اشعاعات للضؤ الغير مرئي....!!
الضوء عبارة عن طيف كهرومغناطيسي 

يتكون الطيف الكهرومغناطيسي من أمواج: 

• الراديو
• المايكروويف
• التيراهيرتز
• تحت الحمراء
• الطيف المرئي
• فوق البنفسجية
• أشعة السينية
• أشعة جاما

وكذلك 7 أطوال لموجات تلك الاشعاعات.
 طبقا للطول الموجي والتردد تنقسم الي:
1- المجموعات اللاسلكية (الراديوية).

2- الأشعة تحت الحمراء.

3- موجات الطيف المرئي.

4- موجات الأشعة فوق البنفسجية.

5- موجات الأشعة السينية.

6- موجات أشعة جاما.

(المصدر:http://alturl.com/rcw2w)

مضاعفة الحسنة في 7 سنابل.

وردت في القران "  مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم [ البقرة : 261 ] "وورد في الحديث الشريف عن ابن عباس رضي الله عنهما عن رسول الله صلى الله عليه وسلم فيما يروي عن ربه تبارك وتعالى قال : إن الله كتب الحسنات والسيئات ثم بين ذلك ، فمن هم بحسنة فلم يعملها كتبها الله عنده حسنة كاملة ، وإن هم بها فعملها كتبها الله عز وجل عنده عشر حسنات إلى سبعمائة ضعف إلى أضعاف كثيرة ، وإن هم بسيئة فلم يعملها كتبها الله عنده حسنة كاملة ، وإن هم بها فعملها كتبها الله سيئة واحدة . رواه البخاري ومسلم .وفي " صحيح مسلم " عن أبي ذر ، عن النبي صلى الله عليه وسلم قال : يقول الله : من عمل حسنة ، فله عشر أمثالها أو أزيد ، ومن عمل سيئة ، فجزاؤها مثلها أو أغفروفيه أيضا عنأنس ، عن النبي صلى الله عليه وسلم ، قال : من هم بحسنة ، فلم يعملها ، كتبت له حسنة ، فإن عملها كتبت له عشرا ، ومن هم بسيئة ، فلم يعملها لم يكتب عليه شيء ، فإن عملها كتبت عليه سيئة واحدة . وفي " المسند " عن خريم بن فاتك عن النبي صلى الله عليه وسلم ، قال : من هم بحسنة ، [ ص: 313 ] فلم يعملها ، فعلم الله أنه قد أشعرها قلبه ، وحرص عليها ، كتبت له حسنة ، ومن هم بسيئة لم تكتب عليه ، ومن عملها كتبت له واحدة ، ولم تضاعف عليه ، ومن عمل حسنة كانت له بعشر أمثالها ، ومن أنفق نفقة في سبيل الله ، كانت له بسبعمائة ضعف .وفي المعنى أحاديث أخر متعددة . فتضمنت هذه النصوص كتابة الحسنات ، والسيئات ، والهم بالحسنة والسيئة ، فهذه أربعة أنواع : النوع الأول : عمل الحسنات ، فتضاعف الحسنة بعشر أمثالها إلى سبعمائة ضعف إلى أضعاف كثيرة ، ومضاعفة الحسنة بعشر أمثالها لازم لكل الحسنات ، وقد دل عليه قوله تعالى : من جاء بالحسنة فله عشر أمثالها [ الأنعام : 160 ] . وأما زيادة المضاعفة على العشر لمن شاء الله أن يضاعف له ، فدل عليه قوله تعالى : مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم [ البقرة : 261 ] ، فدلت هذه الآية على أن النفقة في سبيل الله تضاعف بسبعمائة ضعف .
 مواضع السجود في القرآن سبعة .
 السجدات في القران 15 علي الاتفاق
عند الشافعية 14 سجدة
عند المالكية 12 سجدة
فمواضع السجود في القرآن خمسة عشر موضعاً، فعن عمرو بن العاص رضي الله عنه أن رسول الله صلى الله عليه وسلم أقرأه خمسة عشر سجدة، منها: ثلاث في المفصل وفي الحج سجدتان. رواه أبو داود والحاكم وابن ماجه والدراقطني وحسنه المنذري.
وأسقط الشافعي سجدة (ص) واعتبرها سجدة شكر.
ولم ير مالك السجود في النجم والانشقاق والعلق، واعتبره منسوخاً بحديث ابن عباس أن النبي صلى الله عليه وسلم لم يسجد في شيء من المفصل منذ تحول إلى المدينة، وكذلك لما أخرجه مسلم أن عطاء بن يسار سأل زيد بن ثابت عن القراءة مع الإمام فقال:لا قراءة مع الإمام في شيء من الصلاة، وزعم أنه قرأ على رسول الله صلى الله عليه وسلم (وَالنَّجْمِ إِذَا هَوَى) فلم يسجد.
قال النووي: في شرح صحيح مسلم (وهذا المذهب ضعيف، لما ثبت في صحيح مسلممن حديث أبي هريرة رضي الله عنه قال: "سجدنا مع رسول الله صلى الله عليه وسلم في (إِذَا السَّمَاءُ انْشَقَّتْ) و(اقْرَأْ بِاسْمِ رَبِّكَ) . وقد أجمع العلماء على أن إسلام أبي هريرةكان سنة سبع من الهجرة فدل على السجود في المفصل بعد الهجرة، وأما حديث ابن عباس رضي الله عنهما فضعيف الإسناد لا يصح الاحتجاج به...) انتهى بتصرف يسير.
ولم ير أبو حنيفة ومالك ثانية الحج من العزائم وقالا إن المراد بالآية الصلاة المفروضة بدليل ذكر الركوع مع السجود، ويرد عليهما بنص الحديث الأول، وبما أخرجه أحمد وأبو داود والترمذي عن عقبة بن عامر قال: قلت: يا رسول الله فضلت سورة الحج بأن فيها سجدتين قال نعم ومن لم يسجدهما فلا يقرأهما.
ومن خلال ما مر يتضح أن الراجح كون السجدات في القرآن خمس عشرة سجدة للحديث المتقدم. (المصدر: http://www.islamweb.net/fatwa/index.php?page=showfatwa&lang=A&Option=FatwaId&Id=24835 )
 تكبيرة العيدين سبع تكبيرات .
اما بالنسبة لتكبيرات العيد
فهي 7 تكبيرات في الركعة الاولي و 5 في الركعة الثانية
اما بالنسبة للركعة الاولي فقد تكون سبعة بتكبيرة الاحرام او 7 وتكبيرة الاحرام
(المصدر:من اسلام ويب)
وعدد أيام الأسبوع سبعه
فعلا الكلام دا سليم بس الشهر 30 يوم والسنة 365 يعني مثلا السنة مش 7 اسابيع ولا الشهر
ودورة القمر حول الأرض أربع سبعات ( 28 يوما )
ايوا يعني مش سبع سباعات 

يقوم القمر بدورة واحدة حول الأرض كل 27.3 يوم مقاسةً بالنسبة إلى النجوم الثابتة في السماء.وفي نفس الوقت تدور الأرض حول الشمس مما يجعل عودة القمر إلى طوره الذي يظهر منه من الأرض يستغرق وقت أطول وهو 29.5 يوم.^[31] وبشكل مخالف لباقي أقمار بقية الكواكب، يقع مدار القمر بشكل أقرب لمسار الشمس من خط استواء الكوكب الرئيسي. كما يتشوش مدار القمر بتأثير كل من الأرض والشمس بعدة طرق وبشكل معقد. فعلى سبيل المثال: الحركة المدارية للقمر هي حركة بدارية مما تؤثر على الجوانب الأخرى لحركة القمر. ويعبر عن هذا التتابع التأثيري الحركي رياضياً بقوانين كاسيني.^[65]

(المصدر:http://alturl.com/zj3iu)

 عدد قارات العالم 7

اختلفوا في عدد قارات العالم طبقا لوجهة النظر او الرؤية الجغرافية
فمنهم من قال 7 ومنهم من قال 6 ومنهم من قال 5 ومنهم من قال 4
(المصدر: http://alturl.com/yyzrw )

لماذا نحتفل باليوم السابع لمولد الطفل (السبوع)؟
عادة مصرية فرعونية قديمة بينما تختلف من دولة لدولة ففي اليمن يحتفلوا بالمولود لمدة 40 يوم 
لماذا صارت الوان قوس قزح سبعة؟
قوس قزح عبارة عن قطرات صغيرة من الماء متواجدة بالهواء وتعمل عمل المنشور الزجاجي في تحليل الضوء الابيض المرئي (احد انواع الطيف الكهرومغناطيسي)
 الي الالوان الفرعية وسبق ان تم توضيح ذلك بعاليه
الاملاح المعدنية 7 منها محلول كنوب(الازوت و البوتاسيوم والفوسفور)
محلول كانوب هو محلول مغذي للنباتات ويتم عمله في المعمل ويتكون من :

ماء مقطر 1ل مايعادل 1000غ.

نترات الكالسيوم=1غ.

نترات البوتاسيوم=0.25غ

فوسفات احادي البوتاسيوم 0.25غ

كبريتات المغنيزيوم=0.25غ

كلور الحديد=0.25غ

تركيز محلول كنوب=2غ/ل

الاملاح المعدنية : متعددة لكن اهمها : 

أهم هذه الأملاح هي

الصوديوم

البوتاسيوم

الحديد

الكالسيوم

الفوسفور

المغنيسيوم

اليود

الفلورين

(المصدر : http://alturl.com/co5d8 )
سبعه يظلهم الله بظله يوم لاظل إلا ظله :1- الإمام العادل .

2- شاب نشأ في عبادة الله .

3- رجل قلبه معلق بالمساجد .

4- ر جلان تحابا في الله .. اجتمعا عليه وافترقا عليه .

5- رجل دعته إمرأة ذات منصب وجمال قال إني أخاف الله .

6- رجل تصدق بصدقه فأخفاها .. حتى لاتعلم يمينه ما أنفقت شماله .

7 -رجل ذكر الله خاليا ففاضت عيناه بالدموع .

بالتاكيد حديث صحيح عن البخاري ومسلم
ملحوظة : الرقم 3 :
قوله صلى الله عليه وسلم : ( لا تشد الرحال إلا إلى ثلاثة مساجد مسجدي هذا ، ومسجد الحرام ، ومسجد الأقصى ) وفي رواية : ( ومسجد إيلياء )"مسجد ايلياء هو الاقصي"
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لا يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاثِ لَيَالٍ "الرقم 4:
حدثنا أبو معاوية عن الأعمش عن شقيق عن مسروق عن عبد الله بن عمرو قال قال رسول الله صلى الله عليه وسلم : خذوا القرآن من أربعة من عبد الله بن مسعود ومعاذ بن جبل وأبي بن كعب وسالم مولى أبي حذيفة . الرقم 5:
عن أبي عبدالرحمن عبدالله بن عمر بن الخطاب رضي الله عنهما قال : سمعت رسول الله صلى الله عليه وسلم يقول : ( بني الإسلام على خمس : شهادة أن لا إله إلا الله ، وأن محمدا رسول الله ، وإقام الصلاة ، وإيتاء الزكاة ، وحج البيت ، وصوم رمضان ) رواه البخاري ومسلم .

وأخيرا وليس آخرا فإن شهادة التوحيد .. عدد كلماتها سبعة

لا _ إله _ إلا_ الله_محمد _ رسول_ الله
عدد كلماتها خمسة فالجملة بها حرفين ( لا ) و ( الا )
وابحث في لسان العرب
- حرف ( لا )
لليث: لا حَرْفٌ يُنْفَى به ويُجْحَد به، وقد تجيء زائدة مع اليمين كقولك لا أُقْسِمُ بالله. قال أَبو إِسحق في قول الله عز وجل: لا أُقْسِمُ بيومِ القيامة- حرف ( إلا )
أزهري: إلا تكون استثناء، وتكون حرف جزاء أَصلها إن لا، وهما معاً لا يُمالان لأَنهما من الأَدواتِ والأَدواتُ لا تُمالُ مثل حتى وأَما وأَلا وإذا، لا يجوز في شيء منها الإمالة أَلف ليست بأَسماء، وكذلك إلى وعلى ولَدَى الإمالة فيها غير جائزة. وقال سيبويه: أَلق إلى وعلى منقلبتان من واوين لأَن الأَلفات لا تكون فيها الإِمالة

حاجة تجنن ؟

معلشي اصل انا خلااااااص جبت اخري من كل الاطراف 
المجلس العسكري والجيش والشرطة وحكومة والنشطاء ومن الشعب
اللي انا مبسوط منهم صح البلطجية
حد يسالني يقولي ليه؟
اقولك ومطولش عليك قول طول 
هناك الكثير من الاسئلة تعصف برأس اهم شخص في الدولة المصرية هو المواطن 
لقد قامت ثورة فلماذا لا تتحسن الاحوال
وانا هنا لا اتكلم عن التغيير فالتغيير حدث بالفعل ليس بسقوط مبارك ومحاكمة رجاله وسجن اولاده 
ولكني اتحدث عن تحسن الاحوال
وبالنسبة للمواطن المصري (الشعب = انا وانت يعني ) التحسن ليس في شئ معين لكن في اي شئ لكي يحتج به امام الناس ويقول في زمن مبارك كنا لا نستطيع ان نفعل كذا اما الان بعد الثورة المباركة اصبحنا نستطيع ان نفعله
لكنه الشئ الوحيد الذي يري فيه المواطن التغيير هو بالنسبة لجماعات او افراد كانوا محظورين بشكل جزئي او كلي ورفع عنهم الحظر بينما هو حاله اسوأ من ذي قبل مما يجعله يقول " طيب مبارك كان حلو بقي " ماهي مافرقتش 
لكن المصيبة انها فرقت لان فيه انفلات امني غير طبيعي علي حد علمي من اصدقاء في مصر 
وهنا يحدث شبه عواصف وزلازل وبراكين في دماغ العبد لله
فالكثير من الاسئلة في راسي واعلم انها في راس الكثير من الشعب لا يربط بينها الا ان هناك شئ من اثنين اما المؤامرة واما الهطل (ودا نسبة اعلي بكتير من الغباء) السياسي
----
سؤال الانفلات الامني 
ليه فيه انفلات امني؟ ( اوعي تقولي مفيش )
الان لا يوجد بلطجية منفردين بل عصابات مسلحة واحتمال في وقت قريب تقلب مليشيات ( ائتلاف عصابات يعني ) ، اللي عاوز يعمل حاجة بيعملها ، اللي بيخالف القانون بيخالف قدام الظابط والظابط مبيقدرش يفتح بقه ، الباعة الجائلين قفلوا الطرق ، الضباط مش عاوزين يشاركوا في حفظ الامن
ناخدها حتة حته
- عصابات مسلحة مبيتقبضش عليها ليه ......... بنحاول بس الناس مش بتساعدنا ..... طيب من امتي يعني الناس المفروض يعني تكتفه وتسلمهولكم ...... الظابط خايف يستعمل القوة في القبض ع المتهم .... ليه الضابط مش دارس قانون وعارف الحالات المسموح فيها استخدام القوة ....... اصل الناس هتيجي تضرب الظابط ......دا بقي نصب علني لانكم في عز ايام الثورة وضرب النار ع الناس كنتوا واقفين ودول كانوا ملايين في شوارع الجمهورية وميادينها ........ ولو افترضنا ان عشرة في المية من الناس دي بقت بلطجية فعدد الشرطة زي ما هم بل وضيف عليهم عدد الجيش .........اصل الضباط نفسيتهم تعبانة ومش عاوزين ينزلوا عشان هيعدموا امين شرطة قتل متظاهرين ...... يبقي الظباط مش مقتنعين بالقانون اللي المفروض بيحموه ..... طيب يقدموا استقالة ........ قدم 6000 ظابط استقالة ورفضوها ........ليه رفضوها .......... اصل هيبقي فيه انفلات امني .......... طيب ما هو احنا في ايه ..........طيب يدربوا ناس مكانهم وينزلوهم .......... هياخد وقت ......... ليه ؟ هو ضابط الشرطة بيدرس ايه ؟...........قانون وسلاح وحاجات الدفاع عن النفس ......... طيب مش هنعرف نطلع 6000 من خريجين حقوق لغاية سن 30 سنة ........تدريبهم هياخد وقت ؟ .......... لا ادوهم دورة في استعمال السلاح بس .......الموضوع مش سلاح بس .........الجيش معاهم وفيه فرق متخصصة في الجيش لكدا هتساعدهم 
طيب الوزير مبيعملش كدا ليه؟؟؟؟؟ طيب مبيقلوهوش ليه ؟؟؟؟
طيب من نظرية المؤامرة :
الانفلات عشان الناس تعيط وتقول الحقنا ياجيش ودا بيحصل بالفعل وبيجمعوا توقيعات للمجلس العسكري عشان يطول
طيب هو يعني هيخلي ناس يعملوا بلطجية .........كفاية انه يسيب وزير ضعيف محترم لكن ضعيف وقيادة الدرجة التانية فيهم ناس زبالة ...... ويخلي اعداد الجيش قليلة وميستدعيش نسبة من الاحتياط عشان يساعد في حفظ الامن وفي نفس الوقت الناس تلعن ابو الديمقراطية
-----------
بالنسبة للنشطاء :
النشطاء دول اجدع ناس معظمهم امتياز في الهطل او تقدر تقول معاقين ذهنيا
يعني يطلعوا ف التلفزيون ويشتموا ف الكل ويحسسوا الشعب انه ولا فاهم اي حاجة
واحنا شعبنا من النوع اللي حتي لو مش فاهم لازم تقول يا احسن شعب علي وجه الارض
طيب يعني النشطاء يعملولك ايه
النشطاء طلعوا مظاهرات عشان فلسطين ......... الشعب العادي متعاطف نسبيا مع فلسطين
لكن متعاطف مع نفسه اكتر 
يعني تقولي نروح نعمل مظاهرة عند السفارة عشان نطرد السفير وننزل العلم تبقي بتخسر من رصيدك عند الشعب
وشطبت الرصيد لما قولت هزحف علي فلسطين
يعني انته عاوز تدخلنا في حرب رسمي 
يبقي المجلس العسكري المفروض يظبطهم
طيب المجلس العسكري سابهم ليه وقمعهم ليه اصلا
نظرية المؤامرة بقي :
احنا بنسيب الديمقراطية بس هيدخلونا في حرب واحنا عاوزين الانتاج وهنطلعهم من السجن باحكام مع ايقاف التنفيذ عشان تعرفوا اننا ديمقراطيين بس خدوا بالكم انتوا سوابق لان محكوم عليكم
طيب ياعم النشط طالع بعد اما خسرت رصيدك وعاوز خدمة سلفني شكرا ورايح تقول الثورة التانية بعد جمعة كانت اعدادها علي اكبر تقدير 5 الاف وعلي اقل تقدير 150 واحد 
طيب يعني اذا بليتم فاستتروا مش تبقي اتفضحت في الجمعة اللي قبليها وجاي بقي تتعري في الجمعة دي
المصيبة مش هتتعري وبس دا انته بتقول شكل للبيع يعني الشعب كله بيقول مش عاوز مجلس رئاسي وانا واثق في العسكري وانته تقول لازم رئاسي
طيب ما اي واحد هيقولك انته بتاخد فلوس وبتدور علي مصالحك وعاوز مرشحك يبقي ف المجلس الرئاسي
طيب اخروا الانتخابات ........ دي الناس فاكرة اصلا ان الانتخابات لما تيجي البلد هتبقي فل
طيب المؤامرة :
انك هتتطلع بعدد نص العدد اللي فات وتبقي اتعريت يجيك الضربة القاضية في الجمعة اللي بعديها عشان انته استنفذت رصيدك من الجمع دوري انا بقي خد جمعة تاييد للمجلس العسكري واحنا عملنا بروفات عند المنصة واشرب بقي ياحلو شيك علي بياض للمجلس العسكري عاوزين امن واستقرار واعدم اللي شكل امه ميعجبكش
طيب انا كان المفروض اسكت يعني (انا الناشط ):
لا كان المفروض عملنا جروبات مش ع الفيس بوك
جروبات انتوا بتوع مساعدة رجال الاعمال وانتوا بتوع مساعدة رجال الشرطة وانتوا بتوع الحوار الوطني بس يبقي صوتكم واطي ومحترمين وانتوا بتوع النضافة ف المحافظات
كان ساعتها انته بتشارك في كل حاجة واللي هتشوفه غلط هتقول والله انا شغال معاكم بس دي غلط
----------
المحبوسين :
طبعا المحبوسين الناس بتطلع بكفالة والناس بتاخد براءة ومبارك متسجنش ومفيش محاكمات واحنا عملنا ثورة
تمام عداك العيب
انته دلوقتي هتقعد علي قد كدا تهيص وبس من غير ما تشتغل وتقول المحاكمة
لا دا انا في مليونية الانتاج في العاشر بنساعد عمال المصانع وواخدين ميه وعصير ومش مستنين الجيش يجيب لنا ميه وعصير واحنا هناك بنسال العمال ايه رايكم نحاكم مبارك ولا لا
مش هنعتصم لغاية ما يتحاكم وياتحاكموه يانوقف البلد
طيب المؤامرة :
ان الموضوع مقصود ان يحصل الحاجات دي وان مبارك كدا كدا يا يتحاكم يا يتقتل
كل المجلس العسكري عارفين ان الراجل يعرف الاسرار الوسخة قبل الحلوة ولو هما سلام هيحاكموه ولو اوساخ هيقتلوه
يعني مش هيسبوه دا مش وارد
طيب اصل فيه ضغط من دول عربية 
الدول العربية ميفرقش معاها مبارك ومبيحلموش بيه في النوم ولا يفرق معاهم 
فلوسه هناك
خير وبركه هيموت وفلوسه تدخل دولهم
يتحبس فلوسه عندهم
هما ماسعدوش الا البحرين واهم حاجة عندهم الامن القومي مش بيحبوا مبارك عشان جان لا عشان كان بيقولهم انتوا الامن القومي بتاعي طبعا نصاب 
مبيفتكروش خير لحد يعني
------
المصريين بالخارج :
بصراحة دي النقطة الوحيدة اللي بتأيد نظرية المؤامرة لانها ممنوعة بدون سبب الا التاثير علي القوة السياسية لبعض مرشحي الرئاسة والانتخابات التشريعية
-----
الاقتصاد:
طبعا اللي مبيشوفش من الغربال يبقي اعمي مش زي ما سمعت الاخوان وابراهيم عيسي بيشككوا في تصريحات المجلس العسكري عن الوضع الاقتصادي
اذا كان ايام الاستقرار كان خيبتنا ما وردتش علي حد 
دلوقتي في غياب الامن واعتصامات وخوف من الاستثمار وهتقولي الاقتصاد بيتحسن ولا ثابت حتي
يعني اظن اللي بيشكك في المشكلة الاقتصادية اعمي


الخلاصة
لو مؤامرة : يبقي هنخسر تاني واحد من نوعية اللواء محمد نجيب وهنشوف واحد تاني زي عبدالناصر او السادات
المشكلة ان عبدالناصر كان فيه فلوس ايام الملك وعرفوا يظبطوا البلد بيها
السادات كان بداية عصر انفتاح
دلوقتي معندناش حاجة يعني البلد حالها هيبقي هباب وهتستكمل مسيرة الافلاس اللي بداها مبارك
اللي مش مؤامرة : الشعب هيطلبها من المجلس العسكري لان الشعب دلوقتي عاوز حد يعمل اي حاجة المهم يسيطر ع البلد


في الحالتين : النشطاء في الباي باي ويبقي الشعب والجيش ايد واحدة وتبقي مصر زي ما هي ومش هتتقدم لان مثقفيها او الكثير من مثقفيها جاهلين 

صحيح كنت هنسي 

تحية الي البلطجية الذين استطاعوا ان يتجمعوا تحت لواء واحد نابذين جميع خلافتهم ولم ينساقوا وراء الفتنة الطائفية ولا الخلافات الايدولوجية وتقدموا الي هدفهم بل وطوروه وشكلي هباركلهم اما يعملوا مليشيات

اسئلة حول الحب؟

بينما تجلس الفتاة الجميلة ذات العيون العسلية منتظرة حبيبها علي احر من الجمر في ذلك المكان الذي تعودا ان يلتقيا فيه فاذا بطفل صغير يحمل لها مظروف مفتوح ويعطيه لها ، ففضت المظروف لتقرأ ما بداخله

وكان به هذا الكلام:

حبيبتي بينما انا امشي وحيدا اليك اسرع الخطي لنلتقي كما نفعل دائما ونتبادل مشاعر الحب ، تذكرتك وتذكرت مستقبلنا

المشرق وكيف حمدت الله سبحانه وتعالي علي ان خلقك لتكوني حبي الوحيد

وكيف اني اتمني ان اقبل يد ابويكي لانهما كان السبب في وجودك علي ظهر الارض

لكن بدر الي ذهني بعض الاسئلة وعلامات الاستفهام وقلت:

- هل سيأتي يوم وألعن سلسفيل ابوكي لانه عاوز شبكة ب ؟؟ الف جنيه؟

- هل سيأتي يوم وألعن اليوم اللي شفت فيه الست والدتك لما تيجي تزورنا في البيت وتنكد علينا بانها تقارن احوالي باحوال ازواج اخواتك؟

-هل سأفكر جديا في وضع سم فئران للست والدتك عشان اتخلص منها ومن تريقتها علي حالنا ومحتالنا؟

- هل سياتي اليوم الذي سالعن فيه اليوم الذي سبق وان تعرفت عليكي فيه لانك كل شوية تسالني رايح فين وجاي منين ومتتأخرش وبتكلم مين في التليفون؟

- هل سياتي اليوم الذي اتمني ان اخزء عنيكي الجميلتين التي طالما تغزلت فيهم لاننا كل اما نخرج تفضلي تبحلقي في فاترينات الدهب؟

- هل سياتي اليوم الذي سافكر فيه في قطع لسانك من لغلوغه عشان مصممة تحكيلي مشاكل مرات جارنا وانا مركز في الماتش؟

- هل سياتي اليوم الذي افكر في تطليقك لانك كل شوية تعايريني ان جوز اختك عمل ايه وانا خيبان زي ما انا؟

- هل سياتي اليوم الذي ساشتم ولدي او بنتي ثمرة حبنا واقوله امشي ياد يابن ال.... لانه مصمم يقطع في قماش الانتريه اللي انا دافع فيه دم قلبي؟

 كما سالت نفسي اهم سؤال

 - هل سياتي اليوم الذي افكر فيه في الانتحار لاني زهقت من عيشتك ومن عيالك اللي هما في نفس الوقت عيالي ومش معايا فلوس النفقة والمؤخر؟

روحي يابنت الحلال ....بلا جواز بلا نيلة

وكفي الله المؤمنين القتال

ملحوظة الكاتب: الموضوع محض كوميديا والله بس طقت في دماغي وقولت اكتبه

كيف تربط مقال ويكيبيديا العربي مع الانجليزي؟

بعد ترجمة المقال من اللغة الانجليزية او غيرها من اللغات الي اللغة العربية ولربط مقالك العربي الي اللغة الانجليزية او الي عدة لغات اخري
الربط يتم علي مرحلتين :
1- ربط المقال العربي بالمقال الاجنبي 
وذلك ونحن في ساحة الكتابة
نلصق الكود التالي ( ويحتوي عنوان المقال الانجليزي الذي تم ترجمته )

[[en:name of english article]]

2- ربط المقال الاجنبي بالمقال العربي
وذلك ونحن في ساحة الكتابة 
نلصق الكود التالي ( ويحتوي عنوان المقال العربي )

[[ar:اسم المقال العربي]]

ايضا لا تنسي لصق هذا الكود:
ونكتب اسم المقال الاجبني الذي تم ترجمته

[[وب:ترجمة|ترجمة]] ونقل من [[name of english aticle]]. انظر تاريخ الصفحة للمؤلفين - GFDL

هل فعلا الجيش والشعب مش ايد واحدة؟

قد تعرفون مقال الجيش والشعب مش ايد واحدة لاخ مسيحي اتهم وحكم عليه بالعمالة لصالح اسرائيل بناء علي فيديو سجله ورفعه علي اليوتيوب يناشد اسرائيل مساندة الثورة المصرية وبعد ذلك عمل لقاء مع قناة اسرائيلية اون لاين
وبصرف النظر عن كونه خاين او عميل او وفلول نظام او حتي شخص وطني
الاول ملحوظة : موضوع مسيحي دا بس عشان ميكونش فيه مدونيين تانيين يعني كتبوا نفس الكلام يعني صفة مش بعيب عليه 
المهم خلونا ف المهم
المقال بيعرض فيه الكاتب ان الجيش يتحرك بنفس سياسة مبارك وانه وقف بجانب الثورة لان لم يكن لديه حل اخر وبدون الخوض الي التفاصيل فالمقال موجود ع النت 
القصد اني ساعات من اخبار او تصرفات او اشاعات حتي لو كانت مغرضة - زي البعض ما بيقول - بتفكرني بالمقال دا وبوجهة نظر الكاتب
يعني مثلاً كدا نفتكر مع بعض اخبار بسيطة 
ابراهيم كامل طلع بكفالة ( الجيش هو اللي قال عليه ان السبب في الاعتداءات علي الناس ف التحرير ومشارك في موقعة الجمل )
فتحي سرور طلع بكفالة
سوزان مبارك اتنازلت عن فلوسها اللي في مصر - طبعا محدش اتكلم عن فلوسها اللي برا حتي يقول معندهاش - قيمة فلوسها اللي في مصر 24 مليون جنيه يعني اقل من 5 مليون دولار - طبعا قالوا انها اتنازلت عن فيلا وسمعت اخبار انها اتنازلت عن قصر الرئاسة
تقريبا حسحس كان واخده وضع يد وكتبه لها عشان اما يموت العيال ميطردوهاش برا البيت
حسني مبارك سمعنا اشاعات مغرضة انه هيسجل شريط كاسيت ويعتذر لينا ويقول انا اسف ياشعب وبعدين يخلع من السجن 
يعني حسني صحته حلوة اهو امال مش بيشد علي طرة ليه
كمان سمعنا عن اسلوب فض الاعتصام السئ امام سفارة اسرائيل بطريقة سيئة - انا معترض علي مهاجمة السفارة ومحاولة تنكيس العمل وفي نفس الوقت انا اعترض ان واحد يتذل ولا يتبهدل وهو بيتقبض عليه 
انا مبقولش ميتقبضش عليه لا يتقبض مش مشكلة بس باسلوب زي بلاد الناس المحترمة دول ولاد ناس بردوا
في نفس الوقت اعتصام ماسبيرو لبعض الاقباط المتشددين اللي بيقولوا عاوزين امريكا تحمينا واسرائيل لو حكمت علي الرغم من ان دا يعتبر علي الاقل بشكل اجتماعي ان لم يكن قانوني نوع من الخيانة لمصر
يعني بنحمي اسرائيل وننفض للي بيطلبوا امريكا تيجي تحميهم
فيه حاجات كتير قولتها في المقال بتاع منع تصويت المصريين اللي ف الخارج
لكن نقطة كمان الجيش بيحب يعمل بالونة الاختبار يعني فيه خصلة سيئة ان يسرب خبر ويشوف رد الفعل لقي الموضوع شغال مع الناس يقوله ولو لقي الناس رافضة يقولوا احنا مش هنعمل كدا هو دا بيكركب بطننا شوية لكن كويس
وحكاية نوارة نجم ان المجلس العسكري عمل اجتماع لفئات مجتمعية من نوارة نجم وطلعت السادات وماشابه وبيحكلهم المشكلات وعاوز منهم حلول ثورية
طيب يعني اساتذة الاقتصاد ماتوا ولا جاتلهم شوطة ف مصر 
بلاش مصر هات حد م الدول العربية ............. فاشلين زينا
بلاش دول عربية هات من الدول الاوروبية او امريكا ........... مسيحيين والسلفيين مبيحبهومش ( بهزر انا عارف السلفيين محترمين )
هات من الصين الكفرة ياعم
المهم خلصونا وهاتوا متخصصين الله يرضي علي ابوكم 

انا ان شاء الله عارف ان ظني سئ وان الجيش هيطلع زي الفل ان شاء الله

كيف اترجم ويكيبيديا؟

خطوات ترجمة ويكيبيديا سهلة جدا وتكون كالاتي:

1- ادخل علي موقع ويكيبيديا الانجليزي ( http://en.wikipedia.org )

2- ابحث باللغة الانجليزية عن موضوع تهتم به مثلا ( Earth Observing System )

3- انظر الي الجهة اليسري للصفحة ستجد اللغات ( قد تجد اللغة العربية او لا ) لكننا لا نجد اللغة العربية (*)

4- افتح موقع ويكيبيديا العربي في لسان tab جديد وابحث بالمعني العربي للكلمة ( نظام مراقبة الارض )

5-يظهر كلمة باللون الاحمر ( نظام مراقبة الارض ) اضغط عليها لانشاء المقال باللغة العربية

6- سيتم تحويلك الي ساحة التحرير ويفضل ان يكون لديك حساب مجاني علي ويكيبيديا العربية ( تستطيع عمله خلال ثواني ) واذا لم يكن لديك حساب سيتم اخذ عنوان الاي بي لكي يتم تسجيل التحرير به

7- ساحة تحرير المقال هي مجرد مكان فارغ يتسع لكتاباتك اما بالنسبة لتنسيق المقال فقط اهتم بالعناوين الرئيسية والفرعية

8 -العنوان الرئيسي يكتب هكذا بدون الاقواس (==العنوان الرئيسي==) والعنوان الفرع هكذا بدون اقواس (===العنوان الفرعي===)

وكلما اردت عنوانا فرعيا اكثر فوم بزيادة هذه العلامة علي الجانبين بدون اقواس(=)

9- ظلل الكتابة الانجليزية وانسخها ( تظليل +كليك يمين ثم نسخ )، او (تظليل ثم زر كنترول ctrl  +c)

10 - ترجم ثم احذف النص الانجليزي

11- يمكنك الاستعانة بخدمة الترجمة لجوجل ( http://www.google.com.sa/language_tools?hl=ar )

12- يمكنك الاستعانة ايضا برابط لمساعدتك في التنسيق ( http://alturl.com/t868f )

13- بعد اكمال جزء او كل الترجمة انسخ ما ترجمته والصقة في ملف نص ( حتي لا ينقطع النت ويضيع مجهودك هباء ) ثم اضغط زر " احفظ الصفحة " في صفحة التحرير ويكيبيديا

14 - ملحوظة لا تكتب اسمك كنوع من الاعلان لان المقالات يتم مراجعتها من قبل مراقبين وسيتم حذف اي كلمات ليس لها علاقة بالمقالة

(*) اذا وجدنا اللغة العربية نفتحها في لسان جديد tab واذا وجدت المقالة غير مكتملة فاضغط علي زر ( عدل ) ثم بعد اضافة المعلومات الجديدة اضغط علي زر " ارسل التغييرات "

مشروع ترجمة ويكيبيديا

الموسوعة الحرة

ويكيبيديا أو الموسوعة الحرة : هي عبارة عن مشروع الهدف منه مشاركة الثقافة حول العالم فهي مجموعة مقالات مترابطة

نشأت الموسوعة الحرة بالانجليزية لكنها الان تشمل معظم اللغات في العالم ان لم يكن جميع اللغات المنطوقة

المقالات باللغة الانجليزية تزيد عن 3 ونصف مليون

عدد مقالات اللغة الانجليزية

المقالات باللغة العربية حوالي 150 الف مقال فقط

المشكلة ان هناك نقص شديد في المقالات باللغة العربية في حين وجود اعداد ضخمة من المقالات بالانجليزية

فالمقالات بالعربية حوالي 5% من المقالات الانجليزية في حين متحدثي العربية اكثر من 400 مليون بالنسبة الي متحدثي الانجليزية 500 مليون شخص فمن المعقول ان تكون نسبة المقالات العربية 80% وليس تلك النسبة المخزية

اللغة العربية تقع في الترتيب الثالث حسب المقالات في الويكبيديا

اللغة العربية تقع في الترتيب الثالث

وتتفوق علينا اللغة الهولندية والاسبانية والايطالية وكثير من اللغات يكفي ان تعرف ان اللغة التركية تتفوق بعدد مقالاتها عن اللغة العربية علما بان متحدثي اللغة التركية حوالي 100 مليون شخص

هدفنا ترجمة اكبر قدر ممكن من المقالات للغة العربية

الامر يحتاج فقط معرفة باللغة الانجليزية ووصلة انترنت

ملحوظة الموسوعة مجانية اي انك تضمن ان مقالات سيتم عرضه مجانا ولن يتم بيعه للمستخدمين

ترجم قدر ما تستطيع ولو سطر واحد

واعلم جيدا ان رسول الله - صلي الله عليه وسلم - قال " إِذَا مَاتَ الْمُؤْمِنُ انْقَطَعَ عَمَلُهُ إِلا مِنْ ثَلاثٍ : صَدَقَةٍ جَارِيَةٍ ، أَوْ عِلْمٍ يُنْتَفَعُ بِهِ ، أَوْ وَلَدٍ صَالِحٍ يَدْعُو لَهُ " .

لن يضيع وقتك هباء ان شاء الله