هذه الايام نسمع عن ثورة حنين والتي استسقي الناشطين لهذه الثورة من اسم " غزوة حنين "
طبعا الثورة دي طلعت في خضم ثورات الفيس بوك قاهر الاستبداد بعد ان اسقط زين العابدين ومبارك وفي طريقه لاسقاط القذافي وعلي عبدالله صالح وملك البحرين اللي انا مش فاكر اسمه ايه
السعوديين قالوا اشمعني احنا وانا قصدي مش كل السعوديين دول قلة مندسة
وطبعا احنا عارفين ان مش دايما القلة المندسة بيفضلوا قلة مندسة لانهم ساعات كتير بيبقوا قوة معلنة ويسقطوا الانظمة
المهم ان الشباب الداعين لهذه الثورة بيتكلموا علي الظلم الحاصل ليهم من انهم مش عارفين ياخدوا حقوقهم الديمقراطية والحرية والبقيين دول بتوع العدالة الاجتماعية وان الملك والاسرة الكريمة بتاعته بتسرقهم مع ان دا شئ عادي وسلو الحكام العرب وان ازاي فيه سعوديين بياخدوا 1200 ريال مع العلم ان فيه ناس في مصر بياخدوا 90 جنيه
لكن الجنيه جنيه في بلده
طبعا فيه عمال اجانب في السعودية بياخدوا 800 و700 وساعات اقل والله لدرجة اني سمعت ناس بتاخد 300 ريال
المهم بلدهم ياعم الحج وهما حرين فيها ان شا الله يقولوا عاوزين مليون في الشهر لكن هما طالبين حد ادني 10000 ريال للمرتبات مش الغلابة في مصر بتوع 1200 جنيه حد ادني
طبعا عاوزين يشغلوا العاطلين ودول ياما اكترهم في السعودية لدرجة ان فيه موظفين ف السعودية يعتبروا عاطلين لانهم مبيقضوش مصلحة
طبعا هما عاوزين ملكية دستورية وكلام بقي بتاع كل الثورات
طيب راي الناس التانية المعارضين
بيقولوا ان دول شيعة وايران هي اللي مقوماهم مع ان ايران فيها ثورات وعاوزين يخلوا ايران مدنية مش اسلامية يعني حتي الشيعة اللي عايشين في جنة الشيعة زهقانيين وعاوزين يغيروا اصل التغيير دا عدوي بعيد عن السامعين
وبيقولوا عليهم مش مسلمين وان الدنيا خربانة وكل الشعب مبسوط وزي الفل
طيب واحد سعودي بيقول ممكن نستقدم ناس يعملولنا مظاهرات
وواحد تاني بيقولوا لو زودوا مرتبي 2000 ريال انا عمري ما هتكلم في اي حاجة وهو اصلا مش بيتكلم غير ان مرتبه ماشاء الله عليه 7000 ريال لو دا مرتبي كان جالي سكته قلبية ..... م الفرحة طبعا
المشكلة بقي ان المظاهرات اللي بيدعولها دي ابتدت الدعوات ليها قبل ما الملك يرجع بيوم للسعودية لانه كان في فترة نقاهة في المغرب - اعلي نقاهة والله - بعد رحلة علاج في امريكا وطبعا كله كان مستني رجعوه علي احر م البطاطا
ان بي : انا عن نفسي بيعجبني الملك عبدالله كشخص ، كمان بموت في ابتسامة سلطان
المهم يارجالة كله مستني الباشا الكبير عشان يرجع دا طبعا بعد اشاعتين انه توفي الاولانية كانت قبل ما يرجع ببتاع اربع او خمس ايام والتانية لما قالوا هيرجع الاتنين ومرجعش . الاولانية الديوان الملكي كدبها والتانية نفضولها
المهم انه رجع الاربع وكله مستني تحت القبة شيخ
متعرفوش السعوديين انتوا بيحبوا الفلوس زي عنيهم
كله بقي قال هيعمل معانا زي الكويت والامارات هيدينا فلوس وناس قالت هيثبت المؤقتين وناس قالت هيوظف العاطلين وناس قالت هيفتح الاحزاب ويسمح بالمظاهرات وقالوا ولا هيعمل اي حاجة ودا كان رايي برضوا
المهم جه سلطان النائب يوم الثلاث بالليل وقالوا اجازة يوم السبت
السعوديين قالوا اول الغيث قطرة
مش عرفوا ان ساعات بتبقي حد تف - لامؤاخذة ع القرف - م الدور التاني وجت علي دماغهم وهما افتكروها بتمطر
المهم يوم الاربع علي المغرب قالوا الحاجات اللي عملها الكبير اوي
طبعا محدش فهم حاجة منها الا الموظفين والموظفين الكبار والموظفين الكبار اوي والموظفين الغلابة اوي
م الاخر وبدون الدخول ف التفاصيل طلع نائبك علي شونة
اشتغالات ونصب دولي ياعم الحج
ارقام خيالية بس مش في جيب اي حد م الغلابة
يعني مثلا ممكن تفيد نسبة 2 ف المية م الموظفين الصغار ونسبة صفر ايوه صفر ف المية م العاطلين وغاويين السياسة وغاويين المخدرات حتي
طبعا احتفالات موت بيتجهز لها في البلد وبحس بنوع من استعراض دوريات الشرطة وزينات واعلام ودنيا مقلوبة يارجالة
طبعا فشر احتفالات كاس العالم لكن اهي مصاريف وخلاص
لدرجة واحد في بلد صغيرة - معفنة - صارفين 30000 ايوا تلاتين الف علي شرا اعلام وزينة وصور
تسالني وتقولي يعني كدا هيبقي في ثورة
اقولك معرفش وغالبا لا
انتوا متعرفوش عساكر الشرطة السعوديين
عارفين مخبرين مصر .......... سيبوكم منهم
عارفين عبدالسلام .......... بتاع ادي ضهرك للترعة.......... ايوا هو دا
دول العساكر الصغيرين مع انهم بياكلوا اكل معيز -
شفتوا المعيز وهي بتاكل بتاكل اي حاجة لاخر قطعة
هما دول الطبق يجي عليه خروف ورز وميباقش عليه حباية رز ويلحسوا ايديهم كمان علي اساس يبقي مصفي لاخر قطرة
انما العساكر الكبار بيحاولوا ينافسوا الفنان الراحل محمد رضا - رحمه الله - في جسمه
في طبعا حاجة اسمها قوات طوارئ ودي بقي بيقولوا عليها اللالي يعني كمال اجسام وجتت ومبيرحموش
كانهم المارينز بتوع السعودية
لكن اعرف ان كلام السعوديين بق كلام ف الفاضي
لدرجة انهم بيسموا الصينية عارفينها بتاعة الشارع اللي العربيات بتلف حواليها بيقولوا عليها ميدان
يبقي لما يقولوا علي الطوارئ كدا يبقي تخيلوا انتوا
المهم نجي للشعب والشعب هنا مئنتخ علي اللي اعرفه
اكل وشرب ودلع
يبقي مديون لطوب الارض ومبسوط
بيخافوا موت من السياسة وميعرفوش يعني ايه ديمقراطية اصلا
عندهم اللي يتكلم في السياسة يروح ورا الشمس
كان المفروض يعمل ايه الملك
كان المفروض يوزع فلوس ويشتري دماغه منهم ولا مظهرات ولا بطيخ
لو كل واحد خدله الفين ريال كان عملوا ببتاع 40 مليارريال يعني حوالي 13 او 14 مليار دولار
مش كتير بالنسبة للسعودية
تاريخ المظاهرات هنا زبالة
لدرجة اني سمعت ان كان فيه مظاهرات عند قصر امير المنطقة الشرقية اللي اغلبها شيعة وحاول المتظاهرين يحاصروا القصر جت طيارة خدته ونزل قوات قتلت كل المتظاهرين ومش عارف القصة حقيقية ولا كدب
المهم ربنا يسترها ويعديها علي خير
طبعا الثورة دي طلعت في خضم ثورات الفيس بوك قاهر الاستبداد بعد ان اسقط زين العابدين ومبارك وفي طريقه لاسقاط القذافي وعلي عبدالله صالح وملك البحرين اللي انا مش فاكر اسمه ايه
السعوديين قالوا اشمعني احنا وانا قصدي مش كل السعوديين دول قلة مندسة
وطبعا احنا عارفين ان مش دايما القلة المندسة بيفضلوا قلة مندسة لانهم ساعات كتير بيبقوا قوة معلنة ويسقطوا الانظمة
المهم ان الشباب الداعين لهذه الثورة بيتكلموا علي الظلم الحاصل ليهم من انهم مش عارفين ياخدوا حقوقهم الديمقراطية والحرية والبقيين دول بتوع العدالة الاجتماعية وان الملك والاسرة الكريمة بتاعته بتسرقهم مع ان دا شئ عادي وسلو الحكام العرب وان ازاي فيه سعوديين بياخدوا 1200 ريال مع العلم ان فيه ناس في مصر بياخدوا 90 جنيه
لكن الجنيه جنيه في بلده
طبعا فيه عمال اجانب في السعودية بياخدوا 800 و700 وساعات اقل والله لدرجة اني سمعت ناس بتاخد 300 ريال
المهم بلدهم ياعم الحج وهما حرين فيها ان شا الله يقولوا عاوزين مليون في الشهر لكن هما طالبين حد ادني 10000 ريال للمرتبات مش الغلابة في مصر بتوع 1200 جنيه حد ادني
طبعا عاوزين يشغلوا العاطلين ودول ياما اكترهم في السعودية لدرجة ان فيه موظفين ف السعودية يعتبروا عاطلين لانهم مبيقضوش مصلحة
طبعا هما عاوزين ملكية دستورية وكلام بقي بتاع كل الثورات
طيب راي الناس التانية المعارضين
بيقولوا ان دول شيعة وايران هي اللي مقوماهم مع ان ايران فيها ثورات وعاوزين يخلوا ايران مدنية مش اسلامية يعني حتي الشيعة اللي عايشين في جنة الشيعة زهقانيين وعاوزين يغيروا اصل التغيير دا عدوي بعيد عن السامعين
وبيقولوا عليهم مش مسلمين وان الدنيا خربانة وكل الشعب مبسوط وزي الفل
طيب واحد سعودي بيقول ممكن نستقدم ناس يعملولنا مظاهرات
وواحد تاني بيقولوا لو زودوا مرتبي 2000 ريال انا عمري ما هتكلم في اي حاجة وهو اصلا مش بيتكلم غير ان مرتبه ماشاء الله عليه 7000 ريال لو دا مرتبي كان جالي سكته قلبية ..... م الفرحة طبعا
المشكلة بقي ان المظاهرات اللي بيدعولها دي ابتدت الدعوات ليها قبل ما الملك يرجع بيوم للسعودية لانه كان في فترة نقاهة في المغرب - اعلي نقاهة والله - بعد رحلة علاج في امريكا وطبعا كله كان مستني رجعوه علي احر م البطاطا
ان بي : انا عن نفسي بيعجبني الملك عبدالله كشخص ، كمان بموت في ابتسامة سلطان
المهم يارجالة كله مستني الباشا الكبير عشان يرجع دا طبعا بعد اشاعتين انه توفي الاولانية كانت قبل ما يرجع ببتاع اربع او خمس ايام والتانية لما قالوا هيرجع الاتنين ومرجعش . الاولانية الديوان الملكي كدبها والتانية نفضولها
المهم انه رجع الاربع وكله مستني تحت القبة شيخ
متعرفوش السعوديين انتوا بيحبوا الفلوس زي عنيهم
كله بقي قال هيعمل معانا زي الكويت والامارات هيدينا فلوس وناس قالت هيثبت المؤقتين وناس قالت هيوظف العاطلين وناس قالت هيفتح الاحزاب ويسمح بالمظاهرات وقالوا ولا هيعمل اي حاجة ودا كان رايي برضوا
المهم جه سلطان النائب يوم الثلاث بالليل وقالوا اجازة يوم السبت
السعوديين قالوا اول الغيث قطرة
مش عرفوا ان ساعات بتبقي حد تف - لامؤاخذة ع القرف - م الدور التاني وجت علي دماغهم وهما افتكروها بتمطر
المهم يوم الاربع علي المغرب قالوا الحاجات اللي عملها الكبير اوي
طبعا محدش فهم حاجة منها الا الموظفين والموظفين الكبار والموظفين الكبار اوي والموظفين الغلابة اوي
م الاخر وبدون الدخول ف التفاصيل طلع نائبك علي شونة
اشتغالات ونصب دولي ياعم الحج
ارقام خيالية بس مش في جيب اي حد م الغلابة
يعني مثلا ممكن تفيد نسبة 2 ف المية م الموظفين الصغار ونسبة صفر ايوه صفر ف المية م العاطلين وغاويين السياسة وغاويين المخدرات حتي
طبعا احتفالات موت بيتجهز لها في البلد وبحس بنوع من استعراض دوريات الشرطة وزينات واعلام ودنيا مقلوبة يارجالة
طبعا فشر احتفالات كاس العالم لكن اهي مصاريف وخلاص
لدرجة واحد في بلد صغيرة - معفنة - صارفين 30000 ايوا تلاتين الف علي شرا اعلام وزينة وصور
تسالني وتقولي يعني كدا هيبقي في ثورة
اقولك معرفش وغالبا لا
انتوا متعرفوش عساكر الشرطة السعوديين
عارفين مخبرين مصر .......... سيبوكم منهم
عارفين عبدالسلام .......... بتاع ادي ضهرك للترعة.......... ايوا هو دا
دول العساكر الصغيرين مع انهم بياكلوا اكل معيز -
شفتوا المعيز وهي بتاكل بتاكل اي حاجة لاخر قطعة
هما دول الطبق يجي عليه خروف ورز وميباقش عليه حباية رز ويلحسوا ايديهم كمان علي اساس يبقي مصفي لاخر قطرة
انما العساكر الكبار بيحاولوا ينافسوا الفنان الراحل محمد رضا - رحمه الله - في جسمه
في طبعا حاجة اسمها قوات طوارئ ودي بقي بيقولوا عليها اللالي يعني كمال اجسام وجتت ومبيرحموش
كانهم المارينز بتوع السعودية
لكن اعرف ان كلام السعوديين بق كلام ف الفاضي
لدرجة انهم بيسموا الصينية عارفينها بتاعة الشارع اللي العربيات بتلف حواليها بيقولوا عليها ميدان
يبقي لما يقولوا علي الطوارئ كدا يبقي تخيلوا انتوا
المهم نجي للشعب والشعب هنا مئنتخ علي اللي اعرفه
اكل وشرب ودلع
يبقي مديون لطوب الارض ومبسوط
بيخافوا موت من السياسة وميعرفوش يعني ايه ديمقراطية اصلا
عندهم اللي يتكلم في السياسة يروح ورا الشمس
كان المفروض يعمل ايه الملك
كان المفروض يوزع فلوس ويشتري دماغه منهم ولا مظهرات ولا بطيخ
لو كل واحد خدله الفين ريال كان عملوا ببتاع 40 مليارريال يعني حوالي 13 او 14 مليار دولار
مش كتير بالنسبة للسعودية
تاريخ المظاهرات هنا زبالة
لدرجة اني سمعت ان كان فيه مظاهرات عند قصر امير المنطقة الشرقية اللي اغلبها شيعة وحاول المتظاهرين يحاصروا القصر جت طيارة خدته ونزل قوات قتلت كل المتظاهرين ومش عارف القصة حقيقية ولا كدب
المهم ربنا يسترها ويعديها علي خير
